underwaex

next trips

2008-10-28T10:40:00.000-07:00

die nächschte trips:

london dezember '08
spanien april '09

irgendwänn...
luxemburg
dütschi städt (hamburg, berlin)
chile, argentina, colombia
canada, usa
new zealand, australia
usw...

teamusflug heidiland 24./ 25. oktober 2008

2008-10-28T02:25:00.001-07:00

dä 2-tägig teamusflug hät eus nach klosters gfüehrt und döt uf es pferdetrekking. via madrisa simmer denn is schlappintal, händ imene bergbeizli übernachtet und sind am nächschte tag widär uf klosters abe und es tal hindere.

marokko 15. bis 31. mai- ait benhaddou, imlil und essaouira

2008-05-29T10:21:00.000-07:00

vo todra her isch eusen erscht stopp en local market gsi- richtig local! ganz es luschtigs erlebnis... vo doet us simmer nach ait benhaddou, wo eusi naechscht underkunft gsi isch. es guesthousegrad bim kasbah, wo jenschtes beruehmti film dreit worde sind. gladiator z.b. und kingdom of heaven. nachere cooking demo vom hussein isch denn dinner agseit gsi.

am tag druff simmer wiiter und wiiter gfahre, ueber de tizi tichka pass und wiiteri windy roads. min mage isch noed so zwaeg gsi und churz vor imlil ischer denn abglege... statt id berge inere gite go uebernachte, hani in imlil selber es hotelzimmer uebercho und han doet die ganz nacht min koerper entleert...

am naechschte tag simmer nach em lunch (ohni mich, han nur cola trunke) zuegig duregfahre bis essaouira, womer huet e fuehrig dur d medina gha haend und vill freiziit... han en teil devo zum nahschlafe brucht und etz gangi denn no chli go shoppe... morn gahts ab uf marrakech und am samschtig fluegi scho hei...

marokko 15. bis 31. mai- todra gorge

2008-05-25T08:34:00.000-07:00

inere fossilie-fabrik haemmer glernt, wie all die lokale fossilie parat gmacht werded fuer de verchauf a touris. zmittag haets idae todra gorge gaeh und denn haemmer i euses wundervolle hotel- mit pool, warmer duschi und ohni viecher- iicheckt. nachere nacht idae wueschti isches wundervoll gsi, widaer z dusche...

am abig haets es marokkanisches aesse gaeh, wie immer. will mer am naechschte tag am 6i uf e wanderig gstartet sind, simmer relativ frueh is bett.

d wanderig isch hammer gsi, innerhalb vo de todra gorge simmer uf en huegel ue go berber nomade bsueche und en tee go trinke. denn simmer um de berg ume und widaer abe. en stopp imene alte berber huus zum teppich aluege und denn widaer zrugg dur palmeries is hotel. und denn en easy namittag zum relaxe...

marokko 15. bis 31. mai- midelt und merzouga

2008-05-25T08:28:00.000-07:00

ueber kasbah myriem (es chloschter, wo local women lehrt, wie mae en hushalt schmeisst und debi au no nebedbii geld verdient mit sticke) simmer nach midelt gfahre. idae herberge haets e tanzuuffuehrig gaeh, will euses ursprungsprogramm waege gwxitter uf de naechscht tag haet muesse verschobe werde.

mir sind denn am morge eis vo de mud villages vo de berber go aluege, bevor mer widaer in bus gstiege und wiiter nach merzouga id sahara sind. doet haemmer eusi daypacks gnoh und sind uf kamel gstiege. nachere stund simmer i eusem berbercamp acho, womer nachere richtige tajine under de sterne gschlafe haend- zmitzt idae sahara- hammermaessig!

am morge haet denn uf em rueckweg uf de kamel chli alles wehtue, aber das isch ok gsi. stinkig wiemer gsi sind, simmer richtig todra gorge gfahre.

marokko 15. bis 31. mai- rabat, meknes und fes

2008-05-25T08:14:00.000-07:00

nachdem die einte am maentig no d moschee sind go aluege, simmer uf de zug nach rabat. doet haemmer natuerlich en rundgang dur d medina gmacht, sehr interessant und amuesant. denn simmer id mellah (ehemaligs juedischs quartier) und haend doet en berber whiskey (tee) gha. chli spaeter simmer wiiter uf meknes, womer denn au uebernachtet haend.

in meknes simmer d meina go uschecke und haend miteme guide e fuehrig dur sones chorn- und wasserlager gha. isch scho no krass, was die alles fuer idee gha haend die koenige... am nami haemmer en minibus gha, wo eus zu de ruine vo volubilis (roemer) bracht haet. de guide doet haet sehr abwechsligsriich und mitriissend alles moegliche verzellt. in fes haemmer am abig en traditionelle znacht idae medina gha- 6 gaeng.

am zweite tag haemmer e guidin gha, wo eus dur s labyrinth vo de medina gfuehrt haet. ohni guide wuer mae sich doet garantiert verlaufe! sie haet eus au zu es paarne vo de souks gfuehrt:
- e gerberei, wo mae direkt die frich gerbte lederprodukt haet choene chaufe
- en djilaba-shop
- e weberei mit schals und allem moegliche
- e teppichchnuepferei
- en apothek mit faszinierende medis, alles natuerlich
zmittag haemmer au zmitzt idae medina gha, irgend dur e versteckti tuer dure...

am aabig haemmer de lang tag inere bar- chli zwielichtig- usklinge lah mit live gsang und gratis haeppli zu de getraenk...

marokko 15. bis 31. mai- casablanca

2008-05-17T01:18:00.000-07:00

nachdem ich am dunnschtigabig gaeg mitternacht in casa acho bin, bini nur no is bett... mit de zwei stund ziitverschiebig waers ja scho 2 gsi, darum hani dennau gmuetlich uspennt am friitig.

am nami bini denn uf en walk, wo im lonely planet beschribe gsi isch.

underwaex hani min erschte the a la maroccaine gnoh und es laengers verhandligsgspraech mit eme guide vom tourismusbuero gha. drum gangietz huet uf e guided tour, wo mich de guide denn beschuetzt- sini wort- und er mir no de palace, es museum und kasbah zeigt. das hani alles nonig gseh, vo dem her trifft sichs ja guet.

nach dem gspraech bini is kino go lola luege und denn zrugg is hotel. doet hani d vita vo australie kenneglernt und mit ihre znacht gaesse- couscous. will no eine vom hotel geburtstag gha haet, hats no e chlini party mit musig und tanz gaeh...

am samschtig hani e tour miteme guide vom tourism office gmacht.

määrt

palace,

museum,

quartier houbous idae kasbah

und moschee vom hassan II. isch recht interessant gsi, aber natuerlich zu tuer... was soells, defuer hani casa etz definitiv gseh.

woni zruggcho bin, bini no ines anders hotel umbuecht worde, wills usbuecht gsi isch. easy, grad um de egge. am nami hani die erscht vo minere tour kenneglernt: beth vo australie, 70i.

am nami hani denn nuem vill gmacht. am aabig bini mit de andere tour, wo am tag vor eus gstartet haet, go znacht aesse. am sunntig bini denn m morge mit de beth id moschee hassan II.

hassan II

am nami hani mit ihre und zwei wiitere oz ladies- robin und margaret, beidi ebefalls im pensionsalter- die glich tour namal gmacht wie am friitig. z fuess go alli art deco gebaeude aluege. isch luschtig gsi, wie mae s gliich uf so verschiedeni arte chan gseh...

"patiently awaiting restoration", wie's so schön im lonely planet heisst...

am 6i haemmer denn euses group meeting gha- mir sind e reini frauegruppe... oeppe d helfti a la ladies und die ander helfti zwuesched 25 und 40. ganz e gueti gruppe bis etz- mir sind denn au zaeme go aesse...

"salade maroccaine"

und huet startet etz aso die tour. beth und ich goend no go foeteli mache waehrend die andere id moschee goend. denn gahts ab uf rabat fuer en halbe tag und denn uf meknes go uebernachte.

idä nächi vom hotel häts no s'eint oder ander schön gebäude gha...

derby mit em wiiberclub 9.-13. mai 2008

2008-05-15T12:25:00.000-07:00

am erschte aabig gits es typisch englischs ratatouille mit mozarella und risotto à la arrigo ;-)

und wiiter mit ässe... das mal rührei mit tomate und chrütli und wiiteri feini brunch-sache.

und denn hämmer eus uf de weg uf en walk gmacht im peak district. start bim robin hood pub. erschte halt bim erschte lake.

und zweite halt für en fotistop bim swiss lake und swiss cottage

sogar d'annette hät posiert ;-)

d'michi hät eus eigentlich welle s'grüene england mit de schäfli zeige, aber de walk isch meh en steppewalk gsi a teils ort. trotzdem hämmer immer mal widär e schöni uussicht gha vom hügel obenabe.

links entlang vo de muur und denn sött mä uf de rechte siite s'huus vom hob hurst gseh (wer au immer das gsi isch...)

am sunntig simmer denn keddleston hall go aluege. es riesigs awese, mit park, fluss, herrschaftshuus, eigener kapelle, stallige und früener hät sogar es dorf dezueghört... typisch englisch irgendwie.

typisch englisch au die schilder...

the short walk immer uf em gländ vo keddleston

am mäntig uf em weg zum flughafe east midlands hämmer no en stop in melbourne gmacht

melbourne mit sim lake

am mäntigaabig hämmer denn alli freiziitagebot vo derby usgnützt. zersch is kino go "forgetting sarah marshall" luege (gar nöd empfehlenswert- sehr langwiilig und nur öppe 2 gueti sprüch). leider häts denn nöd klappt, dass mer für de glich priis namal en film sind go luege. aber nächscht mal stellemers denn gschickter a ;-) denn simmer no go e rundi bowle.

am ziischtigvormittag simmer mit de michi uf derby. sie isch go schaffe und mir händ en churze walk dur derby gmacht (s. separate post)

derby's joseph wright walk

2008-05-15T02:23:00.000-07:00

waterfall feature

franceys's house

lloyd's bank

jorrock's bar and foulds music shop

joseph wright memorial
and birthplace

joseph wright's birthplace

the standing order

iron gate

derby cathedral incl.
joseph wright's tombstone

magistrates court

derby museum and art gallery

another cathedral

thomas bass
statue

central library

riverside

sevilla vom 19.-22. märz

2008-03-23T08:01:00.000-07:00

hiiflug uf standby: zum erschte mal bini standby gfloge. am mäntig häts no 3 plätz uf em flüüger gha, am ziischtigaabig dänn scho widär 10. aso simmer locker vo züri uf palma mitcho. vo palma uf sevilla häts denn schwieriger usgseh... nach langer warteziit hämmer jump seats übercho, will de air berlin pilot gmeint hät "was, zwei von der belair sind noch da? die müssen mit, die sind ja familie!" de sauté häts sich idä kabine bequem gmacht und ich... im cockpit- hammermässig!

mit ere stund verspätig simmer denn in sevilla acho, scho erwartet vom näd. bim näd dihei hämmer zersch e churzi siesta gmacht, bevor mer id stadt go znacht ässe sind.

tapas im cafe imperial (oder so). mega fein! und nacher no eis go zieh im el laberinto- a la ziegel in züri.

wills am dunnschtig voll gschiffet hät, simmer ersch mega spaht use. händ chli en spaziergang gmacht idä gässli vo sevilla und gäg di 8i simmer vor de catedral gsi zum eini vo de prozessione vo de semana santa luege.

nachdem's de jesus us de catedral usetreit händ, simmer denn uf em weg zu de carbonara no ine tapas bar go euse znacht ässe. idä carbonara hämmer eus so installiert, dass mer uf d'mini-bühne gseh händ. döt händ 4 und nacher 6 lüüt es programm uf bei gstellt. ei frau hät tanzt zu gitarre, flöte und gsang. sevillanas... will mer am nächschte tag chli touristeprogramm händ welle mache, simmer denn nacher hei.

am karfriitig gaht alles chli früener zue, darum hämmer vor em mittag welle us em huus.

hämmer leider nöd gschafft, es isch aso fasch 2 worde, bis mer vor em real alcazar gsi sind.

dä hät nur bis am 2 offe gha, darum hämmer nüme inechöne.

(links d'muure vom real alcazar)
aso simmer halt id catedral ine und döt uf de turm ufe. hammerussicht über ganz sevilla! über s'flussufer simmer denn hei- eigentlich hettemer am ufer welle ässe, aber s'hät so vill lüüt gha, dass mer dänn nur en snack imene imbiss gnoh händ.

nachere siesta bim näd dihei simmer denn id almadena (glaubs) go znacht ässe und eis zieh. denn au no inen club, wo nöd schlecht gsi wär, aber döt simmer denn nöd lang blibe...

am samschtig simmer vo sevilla nach malaga mit em zug und händ döt euse zmittag imene chiringuito am strand gässe. de heiflug isch denn liecht verspätet in basel acho, was zur folg gha hät, dass mir vo züri nüme an flughafe cho sind. miteme umweg über bülach und eme abstecher is quo vadis, simmer denn in rüti acho...

de nächscht bsuech wird cho! sevilla tiene un color especial...

entschuldigung

2007-12-05T22:17:00.000-08:00

wir entschuldigen uns hiermit für den schweizerdeutsch geschriebenen blog... es gab doch einige rückmeldungen darauf, dass schweizerdeutsch schlecht lesbar ist, und dann erst noch mit den komischen umlauten...

doha- 2. und 3. tag (es nimmt langsam es end...)

2007-12-01T07:26:00.000-08:00

leider wimmlets nöd vo wueschte-agebot in doha, mae chan nöd chum zum flughafe us und isch scho umzinglet... falsch... mir haend mit mueh und not ein abueter gfunde, denn per zuefall no en zweite und irgendwaenn- nachdem mer alles scho verlore gaeh haend, haet euses hotel no en dritte fueregholt. mit dem simmer letschtendlich geschter uf en usfahrt in wueschtesand. ui!

euse driver- dae hamed (oder so aehnlich)- isch eus go abhole und mir sind oeppe e stund us doha usegfahre.

uf em parkplatz usserhalb vo doha hämmer denn no paar kamel troffe...

schad ghört mä nöd, wie das kamel petra amotzt- ich glaub, die händ nöd so gern streicheleinheite...

denn haet dä hamed luft us de pneu glah und mir sind ab in sand. laeck isch mir schlecht worde- das fuehlt sich a wie seechrank... das geholper und uf und ab und bremse und gas gaeh... isch ja scho cool gsi, am afang no, wos mer nonig schlecht gsi isch, aber nacher... de hamed haets recht im griff gha, mir sind maengmal recht steil duruuf und durab und au so chli siitwaerts (da isch mer daenn amix s herz fasch d hose abgrutscht).

diversi stopps händ eus d möglichkeit gäh, föteli z mache...

am hamed sin kolleg hät unbedingt no es föeteli mit eus welle- machemer doch gern ;-)

er seg jede tag idä wüeschti, aber er machi etz s erscht mal föteli- wers glaubt ;-)

aso mir haends etz uf jede fall gseh. vilicht waers wuerklich no e cooli erfahrig gsi, e nacht imene beduinecamp z verbringe, aber es isch eus eifach noed 1600 ryal wert gsi (rund 500 stutz, will mer ja 4 luet hetted muesse zahle...) ja, aso simmer geschter 4 stund chli dusse gsi und huet haemmer moeglichscht lang im hotel fernseh gluegt (susch chamae leider in doha echt noed so vill astelle) denn simmer an flughafe go ichecke und etz simmer sit oeppe 3 stund widaer im city centre, em shopping centre, wo nonig wuerklich im city centre isch (wird bald, schliesslich stoend rundume oeppe 100 wolkechratzer, wo idae nachschte jahre fertigbaut werded). etz haltemer no paar stund dure, bis mer am 1.45 euse flug haend (11.45 schwiizer ziit...)

mir haend vo qatar au no paar fazit ergaenzt, aso luegeds eu a ;-)

doha- 1. ganze tag

2007-11-29T08:07:00.000-08:00

huet haemmer bis am 9i pennt (nachdem mer relativ frueh is bett sind, wills da noed wuerklich oeppis zum undernaeh gaeh haet und will mer ja doch scho 4 stund laenger uf de bei gsi sind- sind etz nur no 2 stund zu de schwiiz verschobe statt wie in bangkok 6...) und denn fett zmorge gaesse. schliesslich muemers ja usnuetze, dass s hotel da so tuer isch ;-)

denn simmer namal is zimmer und haend gwartet uf de bscheid vo de alpha tours frau. die haet eus naemlich am aabig vorher versproche, sie lueti a, wenn oepper e tour well bueche. s problem mit dene toure isch ja, dass bi de meischte 3 bis 4 luet minimum muend bueche (oder zahle) dasses ueberhaupt duregfuehrt wird. bis etz haet sie no kei buechige fuer die naechschte taeg und- man staune- es isch hochsaison!

uf jede fall haet sie gseit, sie gaebi eus bis oeppe am 12i bscheid, bis daenn wuessi sie, ob oepper oeppis buechi. ok... am 10i haemmer no kei nachricht gha. am halbi 2- womer sind go saege, mir welled no e nacht laenger im hotel bliibe, haemmer immer no keini gha. bim zmorge haemmer no die glegeheit packt und de brasilianer, womer am aabig vorher im hotel troffe haend, gfraeget, ob er evt. e tour wuerd mache- denn muesstemer fuer die overnight desert tour *nur* no ei person zuesaetzlich zahle. er ueberleit sichs.

nachdem mer 2 oder 3 film glueget haend, simmer gaeg di 4i usem hotel. zwuesched 12 und 4 lauft ja eh nuet da- allgemeini siesta-ziit...

mir sind es paar km gloffe und zwar am meer entlang vo eusem hotel zum shopping centre, wo mer geschter scho gsi sind.

strandpromenade (hafepromenade)

parks häts in doha au... eifach grad nebed de strass...

etz goemmer denn widaer hei, wills ja absolut nuet z gseh git in doha... geschter simmer no a dae souqs gsi, aber das isch nach de maert vo bangkok noed wuerklich oeppis speziells gsi.

etz hoffemer, dass mer morn irgend e tour choend mache. entweder mit em brasilianer, oder aber mit eme serb und sine kollege, wo da schaffed. ihn haemmer am meer entlang im alte fischerhafe troffe und aghaue. mal luege, ob er paar luet zaemebringt. und ebefalls mal luege, ob morn bi alpha tours ueberhaupt oepper ume isch... am friitig isch da naemlich allgemein sunntig und niemer schafft- anschiinend. suscht haends da 6-tage-wuche...

bangkok-doha

2007-11-28T06:18:00.000-08:00

nachdem mer widaer mal am morge frueh ufgstande sind (halbi 5i das mal) haets widaer gheisse reise, reise, reise... euse flug vo bangkok nach doha waer am 7.50 gfloge, wills aber alli so easy gnoh haend haemmer gfuehlti 60 min verspaetig gha... petra findets no erwaehnenswert, wie super die security control gschafft haet in bangkok. sie haend sehr gnau eusi taesche ufem screen agluegt (gnauer gseit mini...) und haend denn nacher welle, dass petra ihri taesche ufmacht und ihne zeigt, was sie drin haet. ok, mir muend zuegaeh, eusi taeschene haend es aehnlichs format...

uf jede fall isch bi ihre ja nuet verdaechtigs drin gsi, aso simmer zum gate abe. doet une han ich es chlises duerschtli gha und nichtsahnend und unschuldig mini 1.25l-sprite-flaesche fueregnoh. petra haet ihres muul nuem zuebracht- und scho haets au bi mir klick gmacht (endlich!) klar, mae daerf doch eigentlich kei fluessigkeite mitnaeh (scho gar noed en 1.25l-flaesche, wo no oeppe en drittel voll gsi isch...) janu, ich han min schluck gha und bin froh, dass mi noed gschnappt haend ;-)

ca. um die ziit, womer in doha hetted muesse sii, simmer denn doch au acho. als erschts simmer idae departure go fraege, ob mir euses gepaeck (de gross rucksack) choented neumetz deponiere. nei, natuerlich noed- sicherheitsrisiko, v.a. bi eus sprite-flaesche-schmuggler noed z verachte ;-) aso haemmer die halt mitgnoh. vorher haemmer no geld gwechslet idae qatar national bank am flughafe. de typ haet ueberhaupt keis flair fuer zahle gha (und das saeg ich, aber ich chan no 101 dollar i 20er, 16 5-dollar-note und en eindollar zaemezelle, oder? usserddem haet er mir zwei biigeli muesse mache mit de ryal, d.h. 366 ryal dur 2- mega schwierig, oder? immerhin, ich schaff noed uf de bank und choennt das no! d schwiizer franke, woni no tuuscht han, hani bim andere agstellte muesse hole, will de erscht de login noed gha haet fuer zum schwiizer franke wechsle... hae? nach ueber 45 min (petra haet uf d uhr gluegt, will sie eleige dusse gwartet haet) haemmer euses geld gha. sie haet gmeint, ich chaem nueme...

denn haemmer es taxi gnoh zum youthhostel al lakta. de taxifahrer haet zersch no en andere muesse fraege, wo das isch- kein guete start... er haet eus denn an arsch vo de welt bracht- middle of nowhere, wie petra gmeint haet- ich wuenschti, es waer middle gsi... nachdem mer e halb stund doet gsi sind und de receptionischt sini witzli gschisse haet, mir usserddem die einzige fraue under oeppe 30 manne bi de teezeremonie gsi sind, haemmer eus denn sicherheitshalber us em staub gmacht. mir sind eus chli verarscht vorcho. im internet isch gstande, es zimmer 15 dollar, er haet eus gseit, pro person 27 plus haet er eus keis taxi welle ruefe, will die noed schaffed vom 1 bis am 5i- ageblich... janu, simmer halt gloffe, will sin kolleg, woner telefoniert haet, au noed vor em 4i haet welle cho... oeppe e viertelstund weg simmer inen burgerlade go frage, ob die eus es taxi choened ruefe. haends probiert- waehrenddem haemmer gratis pommes und z trinke uebercho- aber haet niemer abgnoh. irgendwaenn isch en agstellte uf d strass und haet eus en fahrer aghalte, wo grad fiiraabig gha haet. dae haet vilicht freud gha!

er haet eus is city centre bracht. aber das isch es iichaufszentrum gsi... doet haemmer infos gholt vo anderne touris und sind etz im internet es hotel go bueche. etz goemmer zu dem hotel und hoffed, dass mer vo doet us endlich en wueschtetrip choend bueche. uf jede fall isch doha eiduetig s tuerschte pflaschter- aber das haemmer ja scho vorher gwuesst... ei nacht... nei, mir saeged gar noed wie tuer (scho no chli meh als s youthhostel, aber ebe...)!

so, etz goemmer, de timer lauft ab... bis bald dihei, wahrschindlich bim naechschte iitrag...

siem reap-bangkok

2007-11-26T20:52:00.000-08:00

nach ueber 10 stund busfahrt simmer in bangkok acho, aber alles vo vorne...

am 8i am morge simmer puenktlich vo siem reap abgfahre. mir haend scho freud gha, dass mer so puenktlich sind. aber die freud isch denn gli chli gwiche, wo mer euse bus gseh haend.

en 20-plaetzer, uralt, duregsessni polschter und kei platz fuer d bei. und denn, nachere halb stund fahrt isches no schlimmer worde. die strasse sind wuerklich so, wies im reisefuehrer staht- beschisse! es sind ebe gar kei strasse sondern drecksweg, mega staubig und schlagloecher noch und noecher! en tipp fuer fraue: wenn ihr die strecki mal fahred, packed euen sport-bh ii. schmerz!

nach em 3 (aso nach ueber 7 stund) simmer denn a dae grenze in kambodscha acho. doet e halb stund astah zum usreise, denn 500 m laufe zu de thais uebere go en stempel hole und denn luege, wo euse naechscht bus fahrt- mir haend natuerlich kaen kambodschanische fahrer gha, wo eus irgendoeppis gseit oder zeigt haet... irgendeine haet eus denn aghaue und eus es ticket fuer de naechscht bus gaeh und gseit, dae fahri am 5i. ok, haemmer no eis trunke bis daenn und haend eus scho uf s schlimmschte gfasst gmacht. am 5i fahrt en lila bus vor, so en richtige car mit aircon und allem und schoene vorhaengli (lila). und das isch tatsaechlich euse gsi! jipee! und die strasse in thailand- eifach sagehaft! mir sind innerhalb vo chli meh als 4 stund in bangkok gsi und irgendanere chruezig useglah worde. vo doet simmer denn is backpackers viertel (will das grad am naechschte gsi isch- nei, hulmi mir sind doch noed a *dini* strass sukhumvit) und haend doet es guesthouse gsuecht. paar zimmer agluegt und denn haemmer irgendwaenn geduld verlore und haend etz es zimmer mit shared bathroom fuer 300 baht gnoh. (das sind 9 franke, also 4.50 pro person und nacht- voll ok...)

will mer so dure gsi sind, simmer nur no under duschi und go penne.

am maentig simmer denn zersch mal is chinatown go luege, ob mer de market finded. isch chli es underfange gsi und mir haend denn irgendwaenn es tuc tuc gnoh. dae haet eus eimal im chreis umegfuehrt und denn fasch widaer am gliche ort abgsetzt, aso wenn mer no 100 m wiiter gloffe waered, hettemers selber gfunde gha... janu, widaer oeppis glernt...

nachdem mer doet dur de maert dure gsi sind, haemmer es schiff gnoh is quartier ko ratanakosin.

leider simmer ersch am halbi 3 oeppe doet gsi, darum isch de emerald buddha scho nueme zum aluege gsi und darum haemmer au gfunde, mir zahled etz die 350 baht noed fuer de iitritt in grand palace, wenn mer scho de buddha noed choend aluege...

aso haemmer eifach eusi roeckli montiert, womer haend muesse und sind mal richtig iigang gloffe. doet haemmer foeteli gmacht und sind widaer zrugg.

hauptsach mir haend eus sonen rock usglehnt gha, will mae noed mit 3/4-hose ine hett daerfe...

vom palace us haemmer denn es tuc tuc gnoh in lumpini park. wow, isch das schoen gsi doet. halt en riesige park mit wiese und baeum und wegli und ganz vill jogger und walker underwaex. mir sind eigentlich doet ane, go d afternoon aerobics classes go aluege, wie das im reisefuehrer staht. seg great entertainment, egal ob mae mitmacht oder noed. aber zersch simmer go takraw luege, will mer das grad so gseh haend. takraw isch eigentlich fuessball ufeme feld chli chliner als em volleyfeld und mit de gliche regle (fasch) wie volley. eifach ohni haend, nur mit fuess und chopf. hammermaessig! es haet eus so fasziniert, dass mer oeppe e stund doet ghockt sind und zuegluegt haend...

denn simmer aber gange uf d suechi nach em aerobics.

petra hät doch no es paar vo de vita-parcours-grät müesse usprobiere...

eimal rund um de park gloffe und denn haemmers denn gfunde, doet womer am afang iecho sind. sind scho paar parat gsi und mir haend eus denn au parat gmacht. petra zum mitmache und ich zum filme und foetele. das isch wuerklich e show!

oeppe 300-400 luet mached alli mitenand aerobics! das muess mae eifach gseh ha! petra haets leider noed so im griff gha, darum haet sie denn nach paar minute ufghoert. irgendwaenn simmer denn richtig nightmarket patpong gloffe- dae haet eus de tuc tuc fahrer uf em hiiweg zeigt gha. natuerlich haend eus doet irgendwelchi jungs welle i so go go clubs locke mit irgendwelchne luschtige zetteli, aber mir haend eus noed verfuehre lah ;-)

mir sind am market nah und haend gross gshoppet. aber jeans haend sich noed uf weniger als 600 baht abemaerte lah- kei chance! zwei englaenderinne (gaeg di 50i zue) haend eus denn en tipp gaeh vo wage wievill dass mer soelled zahle fuer es t-shirt und haend eus vom underground market bim world trade centre verzellt. doet goemmer etz huet ane. seg anschiinend recht agnehm und guenschtiger als uf em patpong.

bevor mer de underground market gfunde händ, häts no en erfrischig für petra gäh...

nach patpong simmer i euses quartier zrugg go euses zueg ablade und i dae khao san go shoppe. konsequenz: mir haend kei geld meh gha und s erscht mal muesse uselah... natuerlich haemmer no paar dollar fuer s visum vo doha bhalte und au no paar schwiizer franke, aber baht simmer voellig pleite gsi... darum haet petra es bikini au no fuer 200 und paar zerquetschti statt 350 uebercho. zum eis go zieh haemmer ebe zersch muesse geld uselah, was ja voll easy isch, will all 2 m en cashautomat staht. nacheme stuendli live musig simmer denn zrugg is hotel- isch so spaht worde wie no nie die ferie, naemlich fasch 2 ;-)

huet goemmer etz ebe an underground market und wahrschindlich mal no ines shopping centre- eifach zum luege. evt. goemmer au no inen park- wie petra seit *eifach echli umestriele*.

ob mer in doha is internet goend isch no fraglich. ziel waers doet, dass mer en mehrtaegige trip choented mache zum ganz qatar aluege, aber ob mer das choend, wuessemer nonig... aber am sunntig simmer ja scho widaer dihei :-(

übrigens da no es extra-bild für d'eva ;-)

specials about our trip...

2007-11-25T06:13:00.000-08:00

1. u vill fraue und jungi meitli, sowie chind, haend im alltag es pyjama aa- wieso? wuessemer au noed, aber mir choented ja mal oepper fraege... es git eifach mega vill vo dene adae maert z chaufe...
2. maybe heisst bi dene vo de tempelalage yes und beduetet, dass mae bim zrugglaufe oeppis chauft. wenn mae aber seit, mae well etz eifach nur no de drink gnuesse, wo mae bi ihne kauft haet und mae well nuet meh chaufe, denn loends eim zack in rueh.
3. vietnamese sind weniger fruendlich zu tourischte als kambodschaner.
4. agebot vom hotel chamae prinzipiell ehner traue als irgendwelchne anderne- au wenn die evt. bitzli tuerer sind uf de erscht blick.
5. tipps vo irinne zum aesse chamae noed 100% ernscht naeh.
6. mae haet fuer alles chli laenger, als mae gseit ueberchunnt und es fangt au nuet puenktlich a...
7. fraue, packed eui sport-bhs ii
8. doha isch kein zwueschestopp wert, wo laenger als es paar stund oder maximum e nacht isch.
9. never trust anyone but yourself
10. mae wird eifach immer verarscht (s. 9.)

siem reap- letschte tag in kambodscha

2007-11-24T06:33:00.000-08:00

huet haemmer namal uspennt und sind denn- nacheme usgiebige kambodschanische zmorge widaer ab is dorf. wills so heiss gsi isch, simmer grad nach em neue maert (womer oeppe e stund gsi sind und fasch 4 paar schueh kauft hetted und am schluss denn doch keis paar...) eis go zieh. es isch so heiss gsi und so drueckend, da haemmer noed andersch choene. aso simmer ines reschti idae pub alley. doet haemmer zwei cans fuer eini trunke (klar, ei can haet defuer 1.50 koschted, es getraenk i eusem hotel 50 cents...). denn simmer richtig old market zum go luege, wie wiit eusi hose sind. fertig- fasch... sie haend nur de gummizug gmacht gha und no kei schnuer durezoge. aber immerhin. mir haend denn grad schnell probiert, petra haets denn no chli inaeh lah (sind aber au etz no z gross...) will mer denn nachere halb stund namal verbi sind und die hose immer nonig fertig gsi sind, han ich gseit, ich well mini au no chli inaeh lah und mir chaemed defuer ersch oeppe inere stund widaer.

idae zwuescheziit hani muesse i euses reschti idae pub alley zrugg go min sack mit de iichaeuf hole, woni doet liegelah han. ha ja noed demit grechnet, dass dae no doet isch, aber isch so gsi...

euse obligatorisch shake simmer denn widaer im blue pumpkin go hole. vanilla ice cream yoghurt redberry shake- oder so aehnlich. hammerfein gsi widaer und euse lieblingschellner haet eus ganz lieb adie gseit ;-)

endlich haemmer eusi hose choene mitnaeh und sind uf em heiweg namal am water festival verbi. uu huere vill luet.

so a la zuerifaescht oder so... a beidne ufer jenes luet, jenes abfall und eigentlich isch nuet gloffe... paar waege, wo ihri sache verchauft haend und that s it... aber de luet gfallts offesichtlich- das isch ja d hauptsach!

im guesthouse zrugg haemmer eusi woesch in empfang gnoh (wo noed sonderlich suuber worde isch, aber sie waesched ja au vo hand da...) und eusi rechnig mal zahlt. mir haend recht zuegschlage gha, haet 135 dollar gmacht fuer die 6 uebernachtige inklusiv allem aesse und getraenk und tuc tucs zu de tempel und em bus nach bangkok morn. aber wenn mer das uf die 6 taeg usrechned, denn simmer widaer fasch bi eusne 20 dollar pro tag fuer alles- aber da mit einiges a luxus...

denn haemmer euses letschte tuc tuc in kambodscha gnoh fuer as konzert vom beatocello. en riese verchehrsstau haet eus denn dezue bewegt, z fuess wiiter z gah, so haemmers grad no gschafft. de beatocello haet es paar stuck zum beschte gaeh, chli werbig gmacht fuer sini spitaeler und eus bete doch bluet oder geld z spende. *young visitors please donate blood, old visitors (and in cambodia you are old when you are 50) please donate cash and those in between please donate both*. er haet vo de ursache vom schlechte gsundheitssystem gredt und vo massnahme, wie mae das widaer chan verbessere. isch aso e gueti verastaltig gsi und haet ja alles logisch toent...

nachdem mer en abstecher zum water festival gmacht haend und doet widaer noed wuerklich oeppis gloffe isch, simmer etz widaer back i eusem guesthouse und naemed euse letscht fruchtsalat in kambodscha. vilicht luegemer no en film. morn haemmer ueber 10 stund busfahrt vor eus... vo da nach bangkok...

siem reap- water festival und umehaenge

2007-11-23T06:11:00.000-08:00

nachdem mer huet widaer mal chli uspennt haend bis oeppe am 11i, haemmer en richtige kambodschanische zmorge gnoh. petra chicken curry und ich fried noodles with vegetables. dezue euse obligatorisch fruchtsalat fuer 1 dollar (en rieseteller voll, wie immer).

daenn simmer lang is internet go luege, ob mer infos zu doha finded. und surprise! mir haend es paar infos gfunde. und sind etz zum schluss cho, dasses perfekt waer, wenn mir *4 days around qatar* choented bueche. und zwar vom mittwuch mittag (wo mir achoemed) bis am samschtignamittag (mir flueged znacht am 2). uf dem trip wueremer alles, alles gseh und- wie plant und gwuenscht- au idae wueschti uebernachte. s problem isch evt. nur, dass de trip wahrschindlich vor em mittag starte wird, aber das simmer etz am usefinde...

nach em mittag simmer denn los is town centre go luege, wie wiit eusi schniideri mit eusne hose isch. natuerlich haet sie sich namal vergroelet ab eusne taesche, womer idae hose haend welle und natuerlich isch sie nonig fertig gsi. aber das isch egal gsi, mir haend gseit, mir chaemed am 5i namal.

nacher simmer go luege, was am water festival so lauft. mir sind eigentlich genau rechtziitig doet gsi, will mir haend grad parade vo allne dracheboot gseh durefahre (so showmaessig halt). denn haend sich die alli oeppe 100m une a eus versammlet, alli paddel id hoechi und denn haends irgendoeppis gsunge und gschnurret. Logischerwiis haemmer nuet verstande. das ganze isch recht lang gange. denn sind alli widaer ufepaddlet (mir naemed mal a, es isch ufe gsi, will de fluss fluesst eigentlich gar noed...) und oeppe e halb stund spaeter sinds abecho. die einte schneller, die andere langsamer.

wo s eus denn langwiilig worde isch, simmer eis go zieh i *eusere* lounge, em blue pumpkin. die mached die beschte fruit shakes ueberhaupt. han huet min 3. mango shake gha doet ine... petra irgendsonen vanilla red berry superfeine ice cream shake. leider haemmer doet denn am halbi 5i use muesse... will nonig 6i gsi isch (de zweit termin, wo eus eusi schniideri gaeh gha haet) simmer halt namal eis go zieh im warehouse. doet isch denn nachere rundi yatzi 6i worde und mir sind namal an maert. leider nonig fertig, aber morn... sie gsehnd aber scho mal noed schlecht us. natuerlich haet sie widaer muesse groele, mir wuessed immer nonig so recht warum...

nachdem mer denn euses khmer-znacht gha haend (green curry, petra mit chicken, ich natuerlich mit vegetables) simmer am water festival nah heigloffe. es riese huere puff haend die 1000ae vo zueschauer (ja, isch noed uebertriebe, die ufer sind vollpackt gsi mit mensche!) hinderlah. aber es sind scho putzequipene underwaex gsi...

etz haemmer mal eusi woesch abgaeh zum waesche- letscht mal haemmers ja selber gmacht, aber wenn mer alles fuer 1 dollar pro kilo chan abgaeh, denn isch ja s woeschmittel fasch tuerer ;-)

morn versuechemer namal de tag easy durez bringe, will mer ja am aabig as konzert vom beatocello goend. sicher goemmer namal as water festival und denn namal an maert.

siem reap- 3. tag in angkor

2007-11-22T01:52:00.001-08:00

sorry fuer die, wo versuecht haend en comment z schriibe und das ohni google-konto noed gschafft haend... han us verseh die istellig drin gha, dass nur registrierti user choend kommentiere...

huet haemmer am halbi 5i tagwach gha und sind zum angkor wat go de sunneufgang aluege. d.h. wenns denn en richtige gaeh hett... leider isch liecht bewoelkt gsi und dur das isch eifach langsam hell worde und gar noed so en richtige sunneufgang sichtbar gsi...

angkor thom bi bedecktem sunneufgang

janu, defuer haemmer no paar stund frischi temperature gha, so dass mer uf de phnom bakheng ufe sind go luege (gaht immerhin de hoger duruuf, de tod am tag dure).

teilwiis sind d stägetritt scho extrem steil...

denn haemmer zum abschluss no de angkor thom gmacht mit baphoun und elephant's terrace. und nach 3 taeg haemmers etz eigentlich gseh, die tempel. sie sind ja immer no faszinierend, aber irgendwaenn haet mae eifach gnueg.

underwäx hät petra denn au mal no welle en frosch probiere. seg chli troche...

mir sind aso richtig stadt gloffe (oeppe 6 km vor eus) und haend eus gseit, mir saeged eifach jedem tuc tuc fahrer, mir zahled 1 dollar fuer zrugg id stadt und wenn eus eine mitnimmt, denn ok, wenn noed, laufemer... die meischte haend eus noed welle mitnaeh, wills halt eifach zwenig gsi isch, aber eine haet eus denn ufglade, will er einewaeg zrugg id stadt isch.

vor em märt hämmer no das chline chätzli atroffe...

uf em maert haemmer namal usschau nach liechte lange hose ghalte, wo sowohl eusi groessi als au eusi laengi haend, aber da haemmer leider noed wuerklich e chance gha... d laengi isch eifach unmoeglich. mir sind denn bi sonere schniideri verbicho, won ich am erschte tag scho mal oeppis kauft han und denn haemmer die gfraeget, wievill dasses wuerd choschte, es paar hose mache z lah. 5 dollar haet sie gmeint- ohni stoff. ok, petra haet bi ihre de stoff kauft, ich bin uf d suechi amene andere stand und denn haemmer eusi hose in uftrag gaeh. mit saeck vorne und hine isches denn letschtendlich uf 6 dollar cho... de stoff no 6 fuer petra und 8 fuer mich (wobi ich denn no vorigs wird ha) wieso mir unbedingt langi liechti hose waend? tja, mir haend ja no doha vor eus und die einzige lange hose, womer susch no haend, sind jeans- was eus evt. chli z heiss isch... janu, etz haemmer hose fuer 12 bzw 14 dollar kauft- was sicher ehner vill isch, aber defuer haemmer eusi hose.

nach em maert simmer namal ine massage, das mal rugge-nacke-massage. aber es isch irgendwie e full body massage worde, recht schmerzhaft... mini masseurin isch vo thailand gsi, ich weiss noed, ob etz das e thai-massage gsi isch oder noed- hulmi?

uf das abe haemmer eus es tuc tuc hei gleischtet und etz muemer mal no oeppis aesse und denn luegemer wahrschindlich no en film- wenn moeglich eine, wo in angkor dreht worde isch...

ah, uebrigens morn isch da water festival und das heisst so vill wie drachebootrenne. huet sinds scho fliissig am trainiere gsi fuer d renne morn und uebermorn.

paddler bim üebe... die hindere stönd da, die vordere sitzed, nöd ganz glich wie bi eus ;-)

eini vo de teilnehmende gruppene hät grad vor ihrem dracheboot posiert. debi hettemer "nur" welle es föteli mache vom dracheboot-chopf mit em bluemeschmuck und de cherzli...

sie posiered au gern, wenns grad underwäx hei sind

d boot sind- noed wie bi eus- ganz simpel us holz gmacht, baenk irgendwelchi abfallbretter und paddel sind oeppe halb so breit.

mal luege, wie das morn wird, wenn die offizielle renne started, ihr werded devo laese und bald bilder gseh...

siem reap- 2. tag in angkor

2007-11-21T05:59:00.000-08:00

geschter haemmer no city of ghosts glueget, eine vo villne film, wo in angkor dreit worde isch. usserddem natuerlich tomb raider oder rider mit de angelina.

huet haemmer eus vom hotel es tuc tuc gmietet und sind inen entlegenere tempel go luege. naemlich nach banteay srei. dae isch au wuerklich die reis wert gsi. sehr guet erhalte- natuerlich in zaemearbet mit de schwiiz ;-)

eini vo de viele tempelaalage in angkor...

underwäx zwüsched de tempel...

eifach genial, wie d natur teilwiis ihres gebiet zruggforderet!

mineopfer mached musig- für ihre stolz statt bettle

uf em rückweg vo banteay srei simmer no is berüehmte minemuseum vomene ehemalige mineleger und jetzige mineentschärfer go luege.

uf em rueckweg simmer angkor wat go besichtige und denn hettemer eigentlich welle de sunset bim phnom bakheng luege, aber leider haets am namittag immer meh zuetue, so dasses gar kein sunset gaeh hett... aso hämmer angkor thom agluegt, will ich gmeint gha han, bim sunneufgang tüeg mä de angkor vat aluege... hani mi tosche... wär aso de angkor thom, wo mä bi sunneufgang aluegt...

es paar verchleidete teenies für fotitermin uf em angkor thom (choschtepflichtig ;-))

angkor thom

aso simmer fruener zrugg richtig siem reap, haend doet schwiizer geld i dollar gwechslet und sind ab id city. zersch haemmer eus en einstuendigi fuessmassage fuer 4 dollar (plus 1 dollar trinkgeld) gleischtet. nebed de fuess haemmer irgendwie grad no en allgemeini entspannigsmassage gha- oberschenkel und rugge, nacke, chopf... haet uf jede fall super tue!

i dem moment isches no e fuessmassage gsi... läck händ mir dreckigi füess gha- die arme masseure...

go aesse simmer denn id world lounge- cambodian curry widaer mal. isch fein gsi, aber die strassebeize schlahts halt noed so... mae merkt, dasses da no meh uf touris usgrichtet isch als susch neumetz. aber egal, irgendwie gnuessemer au die vorteil, wo e touristischi stadt so mitbringed, naemlich die ander iistellig zu arbet. da schaffed irgendwie alli chli, mir gsehnd selte oepper bettle. egal was, sie mached alli oeppis. zueg verchaufe um de tempel ume, butze idae tempelalage und uf de weg doet ane, idae kuenschtliche seeae oder halt tuc tuc fahre oder imene reschti oder guesthouse schaffe. irgendoeppis gits immer z tue, au wenn die luet da s laebe scho no chli easier naemed als mir. d haengematte chamae immer mal amene baum oder so ufhaenke und schnelligkeit haends au noed erfunde. aber mir verstoend das, bi dere hitz isch au irgendwie alles vill schwerer...

nach em znacht simmer im temple restaurant go apsara tanz luege. traditionelle kambodschanische tanz, wo d taenzer so ihri haend extrem nach hine bueged. sehr aesthetisch gseht das us, v.a. sinds ja au wuerklich schoeni fraue. aso sehr schoen.

im buech "first they killed my father" hani gläse, dass während de khmer rouge i dä arbetscamps vo de chind tanzgruppene gäh hät, wo d ufseherinne de meitli stundelang d händ hinderebunde händ, damit sie die schön bügig überchömed...

flirte uf kambodschanisch (die mached das nöd so öffentlich suscht...)

denn haemmer es tuc tuc gnoh und sind widaer i euses yellow guesthouse zrugg. morn haemmer ja grosses vor- angkor wat bi sunneufgang- wenn mer denn d sunne gsehnd... susch haemmers halt verpasst, was au noed schlimm waer, will die tempel bi sunneuf- und untergang eh voellig gspunne ueberfuellt sind. morn haemmer no die ganz alag vo angkor thom vor eus- nach em sunneufgang. das machemer etz mal alles z fuess, denn haemmer fasch alli moegliche transportmittel fuer die tempel au gnutzt- usserd minibus und gfuehrti tour mit car.

das isch übrigens euse täglich (mind. 1 mal pro tag) fruchtsalat gsi im guesthouse. übervoll für en dollar...

siem reap- 1. tag in angkor

2007-11-20T05:04:00.000-08:00

geschter simmer ja nachere lange bootsfahrt acho in siem reap.

am morge häts no recht gschiffet, was im lauf vom tag chli besser worde isch...

uf em boot isch penne nöd ganz so bequem gsi, aber petra häts trotzdem gschafft...

euse kapitän vo hine...

s lager vomene shop uf em wasser, wo eusi crew zmittag gässe hät.

dä shop, wo au die einte vo de fahrgäscht ihri verpflegig kauft händ.

haend doet i euses yellow guesthouse icheckt, wo eus vo de 3 irinne, wo mit eus de chochkurs in battam bang gmacht gha haend, empfohle worde isch, und sind denn ab is city centre.

siem reap gfallt eus bis etz definitiv am beschte. es isch recht touristisch, das muemer zuegaeh, aber dur das isches au recht suuber und d luet sind touris gwoehnt, heisst, sie reded au englisch, franz, polnisch oder anderi sprache ;-)

mir haend zmitzt am namittag im balcony restaurant gaesse- feins khmer-curry- und sind denn e rundi id cool lounge vom blue pumpkin go en shake und fruchtsalat gnuesse. riesesofas, schoen kuehlt, eifach suppi und ersch no zu normale priise (ok, touristisch halt, aber fuer das in ornig...)

huet simmer denn einigermasse frueh ufgstande (waer eh noed andersch gange, nebed eus haets e baustell, i eusem zimmer ghoert maes glaub am beschte...) haend zmoergelet und sind denn mit mietvelos vom guesthouse los uf die grand tour mit em velo zu de erschte rundi tempel.

scho faszinierend, wie die tempelaalage so lang ueberduuret haend und wie riesig die sind! au faszinierend, dass d kambodschaner eigentlich mal- zivilisatorisch gseh- wiiter entwicklet gsi sind als etz... d holzhuettene und palaescht sind natuerlich weg, will die halt vergaenglich sind, aber die steitempel sind je nachdem besser oder weniger guet erhalte...

die 23 km velotour isch ok gsi, isch ja meischtens graduus, aber es isch halt scho verdammt drueckend- egal ob d sunne schiint oder noed. darum haemmer etz au schoen bruuni fuess und gsichter. zersch isch das natuerlich vo dem viele dreck und de abgas gsi, etz haemmer aber duscht und sind immer noch chli farbig...

znacht gits im amok, em reschti, wo eus vo de irinne empfohle worde isch.

und so gseht euse znacht agrichtet us. khmer amok i bananeblätter... petra isch dure...

zum dessert hämmer eus no en shake im blue pumpkin gönnt...

morn machemer e zweiti tempelrundi in en wiiter entfernte tempel und fuer de sunneuntergang zu eim vo de touristischste tempel. das ganze machemer miteme tuc tuc.

zwuesche-info vo eus

2007-11-19T23:57:00.000-08:00

leider sind die compis und/oder verbindige da relativ langsam, darum konzentrieremer eus mal no chli uf s verzelle und weniger ufs bilder ufelade... bilder choemed aber spaetischtens wenn mir dihei sind no meh- wer weiss, vilicht haemmer in bangkok mal no e schnelleri verbindig oder in doha sogar...

aso, choemed doch spaeter widaer mal go ineluege und foeteli beguetachte...

usserddem: ihr daerfed eus au gern kommentar schriibe, mir lesed die selbstverstaendlich! wie das gaht? ganz eifach:
eifach une a eusem tagesbricht uf kommentare klicke, doet en kommentar igaeh und bi identity other waehle. noed vergaesse die buechstabefolg igaeh, susch wird de comment noed akzeptiert...

battam bang- khmer chochkurs

2007-11-19T06:20:00.000-08:00

a eusem zweite tag in battam bang hämmer aso euse chochkurs gha. zersch simmer zäme mit eusem chochlehrer uf de märt go eusi zuetate iichaufe. er hät immer genau gwüsst, was er wo muess poschte, so dass er die bescht qualität überchunnt.

s fleisch vo dere (hät au für eus laie am frischischte usgseh...)

en teil vom gmües da...

kokosraspel für eusi kokosmilch vo da...

das isch nöd für euse kurs gsi... ghüüteti frösch- mmmmh...

und da no feiner eifach nur no d hüüt vo de frösch- mmmmmh...

nebedbii hämmer au no erfahre, dass mä als buddhist weder tier därf töte no därf zueluege, wie mäs tötet. aso ässe därf mä- wenn mäs so usleit... wie au immer, mä muess am märt eifach wegluege, wenn d fischverchäuferi am fisch de bengel über de chopf haut.

da hät euse choch denn ebe müesse wegluege, wo sie de fisch totgschlage hät...

a dä vorbereitig vor de chuchi vo eusem chochlehrer...

gwürzpaschte

idä improvisierte chuchi (sozäge am choch sinere stube) hämmer denn jedi euse wok übercho und eusi gaschochstell. mir händ 3 gricht kocht und gässe und am schluss hämmer no es rezeptheftli übercho.

petra und zwei vo de irinne (aber wie mä später gseht, chamä de irinne ihrem gschmack nöd so traue, s. siem reap und ihren reschti-tipp)

und no es gstellts föteli... aber mir händ echt selber kocht...

natürlich hämmer mega fein kocht und wer weiss, vilicht teschtemer das denn ja mal mit gäscht... eusi resultat:

en sogenannte amok, es hauptgricht vo de khmer

suppe- mit und ohni poulet

es khmer-curry mit...

und ohni fleisch...

mit em zug vo phnom pen uf battam bang

2007-11-18T05:59:00.000-08:00

am samschtigmorge simmer puenktlich (mir haend dene vom guesthouse gseit, mir welled am 5.30 uschecke) a dae reception gstande. natuerlich isch niemer doet gsi und will mer noed eifach haend welle abhaue, haemmer eine gweckt, wo im gang pennt haet und dae isch denn die vo de reception go wecke. nachdem mer ordnigsgmaess uscheckt haend, simmer uf eusem tuctuc an bahnhof gfahre worde und haend doet es billett choene ergattere- juhui!

6 dollar und paar zerquetschti haemmer zahlt, sind mal go de zug aluege (3 waege und loki, ein wage mit irgendwelche ware) und denn au iigstiege. en tipp vomene touri haemmer uebercho, vo waege mir soelled noed grad bimene loch idae decki sitze- haemmer denn au versuecht z befolge...

euse zug und eusi mitreisende...

d loecher idae decki...

will mer gmeint haend, es seged 2 fraue mit no mene junge und eme chind underwaex, haemmer- nett wie mer idae schwiiz erzoge wird- euses viererabteil dene ueberlah und sind uf en zweiersitz ghockt, wo defuer meh legroom gha haet. spaeter haemmer usegfunde, dass die beide fraue au nur z zweite gsi sind, wobi ab und zue no sonen mafioso typ zu ihne ghockt isch... aber hauptsach sie hands bequem gha...

nebed tourischte sind au iiheimischi mit dem zug gfahre. u.a. au iiheimischi huehner... s.u.

die iheimische huehner haends sehr bequem gha. z zweitae imene plastiksack mit zaemebundene bei... ihri kollege haends z drittae oder z viertae inere choerblitaesche (oeppe handtaeschegroessi) doch noch chli bequemer gha...

de kondukteur haet uf d frag, waenn mir denn oeppe in battam bang achoemed nur gseit, am 4i. mir haend eus denn chli gfraeget, will das waer schneller gsi, als i beidne vo eusne reisefuehrer gstande isch. dass mer hetted muesse fraege a wellem tag am 4i isch eus denn spaeter klar worde...

am 6.40 (statt 6.20, aso noed schlecht puenktlich...) isch de zug abgfahre und mir sind stunde underwaex gsi.

die chli schönere slum-hüttli usserhalb vo phnom pen.

s wc isch uebrigens super gsi, drum haemmer versuecht, das z vermiide... petra haet denn doch mal muesse und gmerkt, dass ihre tuere entgegechunnt, wenns chli holperet (und es haet ja immer gholperet...) usserddem isches natuerlich nur es loch gsi und fenschter haets au keis meh gha, aber wenn mae muess... d luet, wo bscheid gwuesst haend, wie lang de zug jewiils anere station haltet, sind denn amix schnell usgstiige, fraue haend es wc gsuecht und manne an naechschte egge pisst- was mae da uebrigens sehr gern macht, egal ob idae stadt, uf em land, vor em nachber sim huus oder wo au immer. gepisst werden darf ueberall...

eine vo de piss-stops...

petra uf eusem improvisierte schlaflager (anderi haend halt ihri haengemattene debi gha und die am gepaeckrack ufghaenkt...)

underwäx isches halt scho teilwiis mega schön gsi...

uussichte...

im gsamte simmer aso um die 9 stund underwaex gsi, da simmer acho und die andere touris haend gseit, sie stiiged etz uus, de zug fahri eh nuem wiiter. mir natuerlich gfraeget, ob denn das etz battam bang seg. nei, isch natuerlich ersch oeppe d helfti vo de strecki gsi... rund 150 km i 9 stund, das isch ja langsamer als en guete marathonlaeufer...

janu, simmer halt au use und haend eus mal ueberleit, was mer choend mache zum uf battam bang cho. sind natuerlich- wie immer wenn touris underwaex sind- scho paar manne umegstande und haend eus es moto oder es auto welle offeriere. mit 4 anderne hettemer es auto fuer 15 dollar uebercho. aso 6 plus fahrer. es haet no es anders auto umegha, aso haemmer gfunde, mir welled das, defuer meh platz. losgfahre simmer, nach paar hundert meter haet de fahrer en typ ufglade- haemmer no ok gfunde, mir sind ja z zweite hine gsaesse. paar hundert meter wiiter haltet er namal und wett no meh luet iilade. nomal 3 meh. aso mir zwei, en autostoeppler, de fahrer und namal 3. und das inen normale toyota-5-plaetzer... mir haend eus gwehrt und gseit, mir welled eifach noed meh als 3 luet hine sii. ok, haet er halt 4 vorne iepackt- voll easy! defuer haet nacher s auto ueberhitzt- selber schuld!
(da chunnt denn no es föteli vo de petra- euses gfüllte auto...)

nach oeppe ere stund simmer in battam bang acho und haend eus es tuers hotel (schwiiz oeppe 3 stern standard) fuer 6.50 dollar je gleischtet. da haemmer denn au eusi erscht woesch gmacht...

am aabig simmer is white rose go aesse und en feine frische frucht shake gnuesse.

vorher simmer no churz eus fuer en chochkurs go amelde im smoking pot.

phnom pen

2007-11-16T07:59:00.000-08:00

vietnam isch ja scho recht dreckig gsi, aber phnom pen schlahts no!

erstuunt simmer eifach ueber die wuerklich billige guesthouses. euses choschted 2 dollar pro person und nacht, isch sehr basic, dusche tuet mae im wc (sozaege) und heisses wasser haets noed immer. air condition bruchemer noed, aber en fan natuerlich...

die billige underkuenft sind recht suuber und bis etz (touch wood) haemmer nonig bekanntschaft mit irgendwelche viecher gmacht (usserd petra, aber zu dem spaeter und mit foeteli...)

ja, huet haemmer widaer pennt, recht lang, haend denn uf eusere super terasse vom floating island guesthouse, wo uf em see staht, zmorge gaesse und sind denn richtig bahhof. doet isch au zu de offizielle schalteroeffnigsziite am 2 kein schwein ume gsi, aso haemmer eine aghaue. morn fahrt de zug (eimal idae wuche, stimmt aso nuet vo de reisefuehrer, de eint seit jede ungrad tag, de ander jede grad, namal en andere jede sunntig und dae typ haet gseit jede samschtig. wahrschindlich fahreds eifach, wenns grad luscht haend...) tickets haemmer keis choene chaufe, mir soelled morn am 6i doet sii, eis chaufe und de zug am 20 ab 6i naeh. mal luege, ob das klappt... die vom guesthouse haends uf jede fall noed sone gueti idee gfunde... mir gsehnds. waenn de zug noed fahrt, naememer halt en bus, die fahred zu tausende uf siem reap. battam bang loemmer halt denn us...

nachem bahnhof simmer miteme tuc tuc fahrer uf es usfährtli dur phnom pen.

eigentlich hett er eus eifach sölle zum theater bringe. aber sones theater hät er irgendwie nöd kennt. er hät eus denn eifach döt usglade, wo mir gmeint händ, seg das theater fuer es schattespiel. leider isch das en reinfall gsi, mir händ weder theater no infos zu dem traditionelle spiel gfunde, aso simmer in palascht vom könig.

petra uf de stäge vo eim vo de hüüser, wo teil vom palascht sind...

typisch touristisch- alles filme...

später simmer am fluss nahgloffe. per zuefall hämmer denn de elefant entdeckt, wo immer am namittag en spaziergang de promenade nah macht.

später simmer a dä promenade wiiter vorne mal aneghockt.

en englaender haet denn eusi ufmerksamkeit uf sich glenkt. er isch mit paar iiheimische tuctuc fahrer umeghaengt und haet es paar feini feini snacks gaesse mit dene.

tarantulas und irgendwelchi kakerlake oder so.

wie au immer, sie haend eus denn welle abuete, aber ich ha ja mini erfahrig a da m2b mit dem gmacht, mir haet das glanget. petra haets mega wunder gnoh, aber sie haet noed (pardon, nonig) probiert...

die zwei tuc tuc fahrer händs de petra vorgmacht...

mir sind lang mit dene paar type am rede gsi, da chlopfed eus die zwei kanadier vo de flussfahrt uf d schultere. sie seged huet usgraubt worde. uf em tuctuc isch ihre rucksack klaut worde mit ihrne paess und 2500 kanadische dollar. etz hegeds de ganz tag uf de embassy und uf em korrupte polizeiposchte verbracht, wo sich polizischte meh besoffe heged als oeppis anders. die kanadisch botschaft haet no zuegha huet, d.h. sie muend bis am maentig warte. ihri reiseplaen mit siem reap, zrugg uf ho chi minh und ueber hongkong nach kanada sind wahrschindlich passe, aber sie haend gueti luune zum boese spiel gmacht. mir sind denn no mitene go znacht aesse.

aber vorher haet petra en chline apero welle. mir sind a dae maert, wo die feine snacks vom englaender und sine kollege verchauft haet. chuebelwiis insektezuegs, alles deep fried und recht haesslich zum aluege.

s agebot...

de petra ihri wahl... sie hät nüme chöne widerstah (d siidäraupe-made hät sie denn letschtendlich nöd chöne probiere...)

es spinnebei...

bewiis...

"wie chips, eifach nöd so fein"

"isch würklich nöd so schlimm..."

ok, de chopf isch widär öppis anders...

aber au da muess mä dure...

richtig gaesse haemmer denn khmer food. mega fein und 3 mal so tuer wie eusi uebernachtig, will mer eus mal es reschti goennt haend und denn ersch no eis mit aircon... susch haemmer ja amix uf de strass gaesse...

morn versuechemers etz mal mit dem zug und susch choememer susch irgendwie uf siem reap.

flussfahrt uf em mekong vo ho chi minh nach phnom pen

2007-11-16T05:59:00.000-08:00

ho chi minh haet mae nach zwei taeg gseh. dae laerm und gstank die ganz ziit, das schliisst eim! drum simmer au ab huet uf em mekong underwaex. slowly but surely!

huet haemmer gstartet mit em upper river,

sind via chlini kanäl uf verschiedeni insle...

z.b. uf coconut island

go luege, wie sie coconut candy mached-

voll touristisch! petra haet no gern die offerierti schlange uf de arm gnoh

und natuerlich isch immer alles mit eme *take a picture* begleitet gsi. nacher uf toto island go zmittag aesse- nudlae mit gmues. und nacher no uf unicorn island go luege, wies honig mached und e verchaufssession ueber eus ergah lah... usserddem haemmer no e romantischi ruederbootsfahrt gmacht...

etz simmer in cantho und goend is bett. morn sind die schwuemmende maert dra...

in chau dong sind die schwuemmende maert eifach faszinierend! grossi boot (holz natuerlich, sottig daerfted bi eus gar nuem umefahre, geschweige daenn waered die motore bodeseekonform mit dere schwarze wulche, wo jedes mal hineusechunnt waehrend em fahre) haend en grosse spiess, wo in himmel uezeigt. a dem hanged die gmues und fruecht und andere ware, wo vo dem boot choend kauft werde. und die, wo waend chaufe, haend nuet am stock. irgendwie finded die denn zunenand und verchaufed sich ihres zueg. ware choemed vo buure, die mit de boot sind zwueschehaendler (kei stuere) uf em wasser, verchaufeds a wiiterei zwueschehaendler, wos denn no wiiterverchaufed... maengmal zahlt mae mit geld, maengmal mit ware, so wies grad passt.

uf em zweite maert haets oeppe die gliche sache gha, eifach paar km wiiter weg und alles chli chliner und weniger touristisch...

föteli chömed no, sind ebe bi de petra uf de kamera...

eusi naechscht uebernachtig isch aene am mekong gsi, womer no uf e faehre haend muesse.

das chaos isch unglaublich gsi, aber alli sind druff cho. mir haend us em bus muesse uusstiige, will euse guide angscht gha haet, die brugg zu de faehre bricht under eusem gwicht zaeme...

im naechschte kaff haemmer euses erschte zimmer ohni fenschter gha und anschiinend haend mir dene im zimmer obedra s warme wasser gstohle... haemmer nuet devo gmerkt... sorry

de letschti tag uf em mekong isch denn mit de fischzucht losgange. die wohned i flosshueser und zuechted fisch under ihrem huus, sozaege. nacher simmer zu de minority people, malaysians, wo uf vietnam cho sind, en eigeni sprach entwicklet haend und uf ere art pfahlbauhueser wohned.

pfahlbauhüüser, ganz eifach aber zweckmässig baut...

interessant, v.a. will die ja no moslems sind und das biibhalte haend. sie huerated au nur underenand, aso wirds scho recht vill inzest gaeh doet...

natürlich webeds da no mit de alte webstüehl, aber sie nehmeds ganz gmüetlich- wahrschindlich nur no zu schauzweck...

normalerwiis wär die jährlich überschwemmig scho verbi, aber da s wasser no chli höch isch, muess de provisorisch steg au für eus no chli hebe (zum glück für mich ischer nöd höcher obe gsi...)

nach dere erfahrig simmer denn 3 stund richtig grenze vo cambodia tuckeret. oeppe so schnell, wie mer uf em rhii daerfed fahre...

nach 3 stund haends eus usglade und mir haend irgendwo im niemandsland euse zmittag uebercho. nachere stund isch euse guide cho mit de paess, wo sie in vietnam abstemple lah haet.

mir haend eus noed mal muesse zeige! go de cambodia stempel hole haemmer denn selber muesse.

d grenzwach vo kambodscha, womer euse stempel (bzw. öppe 3 stempel mit verschiedene farbe imene usklüglete system zämegstellt...) händ därfe go abhole.

mir sind relativ schnell gsi und händ denn uf die andere chöne warte...

denn simmer namal 5 stund uf eme boot gsi, aber nur, will das e panne gha haet (danke petra, dis motorepech verfolgt eus i die ganz welt!) de kapitaen haet immer widaer muesse stoppe, will d wasserchuelig noed funktioniert haet. und will de mekong ja chli fluesst, haemmer immer zwei schritt vorwaerts gmacht und eine widaer zrugg...

letschtendlich simmer denn doch widaer irgendwo im caco acho und haend no chli meh als e stund uf phnom pen gha.

doet simmer is erschtbeschte guesthouse, floating island:

terasse-blick vom guesthouse...

ebefalls de blick vo de terasse vo eusem floating island...

easy terasse, oder?

i eusem island hämmer icheckt und oeppis gaesse, nachdem mer churz mal versuecht haend medis gaege mini verstopfige z bsorge (was ussichtslos gsi isch, will alles zue gha haet und eh niemer eus verstande haet... ah doch, mir hetted imene viersternhotel viagra choene poschte...)

ja, und etz simmer in phnom pen...

ho chi minh city

2007-11-13T05:58:00.000-08:00

nachdem mer am flughafe ho chi minh kein bus meh gha haend- und das zaabig am 8i- haemmer wohl oder uebel es taxi gno. 5 dollar sind abgmacht gsi, 6 haets denn koscht, will de typ gseit haet, mir muessed no parkgebuehre uebernaeh... janu!

im backpackers viertel isch e frau im pyjama uf eus zuecho (und es isch zwar spaht gsi, aber mir haend usegfunde, dass vietnamesinne und kambodschanerinne recht gern de ganz tag dure im pyjama umelaufed- au in usgang goend demit...) miteme chline chind uf em arm, und haet eus es hotel offeriert. 5 dollar. ok, simmer mit. ine siitestrass. super hotel, mega glueck gha.

d gass vo eusem hotel am tag dure

s museum of fine arts

am erschte tag simmer is museum of fine arts chli vietnam-kultur go luege. und denn natuerlich uf de maert. eis chaos, aber es gaht nur paar minute und die finded, was mae haet welle! denn simmer no imene viertel umegstrielet, wos gheisse haet hegs guenschtigi laede. aber so guenschtig sinds noed gsi und usserddem han ich ja noed grad vietnamesischi kleidergroessi (die hose vom maert in xxxxl!) gaesse haemmer, luut tipp im lonely planet, amene strasseegge...

d chuchi vo eusne gaschtgeber...

petra am gnuesse...

am naechschte tag (maentig) simmer is war museum- krassi bilder vo de verschiedene vietnamchrieg... spaeter namal an maert, doet haemmer denn au widaer mal gaesse... und uf em heiweg simmer per zuefall amene stadion verbigloffe, wo oeppis gloffe isch. volleyball- was susch? es isch es international tournament gsi.

mir zwei mit eusne gratis-chraftgetränk am volleyball tournament

dä stand philippine gäg ho chi minh

haet grad agfange, wo mir vorne dra gstande sind, aso haemmer gfunde, fuer 4000 dong leischtemer eus das. womer aneghockt sind, haend grad ho chi minh gaeg philippine gspielt. mir naemed a, ho chi minh haet no en extra mannschaft daerfe stelle... s zweite spiel isch naemlich vietnam gaeg thailand gsi. hammermaessig und mae glaubt chuum, wie die ho chi minher in stimmig cho sind! es isch au zuegaehnermasse es mega spannends spiel gsi, immer uf meh als 25 und immer mega knapp. ich glaub, vietnam haet gunne...

vietnam- kambodscha- thailand- qatar

2007-11-03T13:56:00.000-07:00

yes! nur no paar täg und petra und ich sind underwäx id wärmi. eusi plän? folgendi (bitte die gnau rechtschriibig vo de ortschafte nöd beachte...):

flug vo züri uf ho chi minh am friitig, 9.11., es paar täg idä stadt

dänn bootsfahrt uf em mekong vo ho chi minh uf phnom pen, es paar täg idä stadt

aschlüssend zugfahrt vo phnom pen uf battam bang

bootsfahrt über en kanal nach siem reap, paar täg für besichtigung vo angkor wat und anderne sehenswürdigkeite und evt. bsuech vom konzert vom beatocello (findet luut andri immer am samschtig statt...)

flug vo siem reap nach bangkok, paar täg idä stadt, v.a. zum shoppe

flug vo bangkok uf doha, leider scho am mittwuch, 28.11., darum bliibemer denn in doha no paar täg und versuecheds miteme trip id wüeschti...

und am 1. oder besser no am 2.12. gahts zrugg id schwiiz :-(

und das sind mir zwei ;-) (a eim vo eusne letschte *usflueg* as welttheater in einsiedle)